എന്റെ വായനാ ദിനം
ഇന്നലെ യായിരുന്നു ആ ദിനം
ഈ വായനാ ദിനം എങ്കിലുംഫല പ്രദമായി ഉപയോഗിക്കണം എന്ന്
രാവിലെ തന്നെ തോന്നിയത് കൊണ്ട് ..
ഫേസ്ബുക്കില്‍ വരാന്‍ തോന്നിയില്ല ..
ആരെങ്കിലും എന്തെങ്കിലും ഒക്കെ എഴുതി വെച്ചത്
വായിച്ചു നേരം കളയാന്‍ പറ്റില്ലല്ലോ ..
വര്‍ഷത്തില്‍ ഒരു വായനാ ദിനമല്ലേ നമുക്ക് ഉള്ളൂ ..
ഏതായാലും ഇപ്രാവശ്യത്തെ വായനാ ദിനം
ഗംഭീരമാക്കാന്‍ തന്നെ യായിരുന്നു തീരുമാനം...
രാവിലത്തെ ചായ കുടി കഴിഞ്ഞു ..
കൈ കഴുകി അടുക്കളയില്‍ നിന്ന് പോരുമ്പോള്‍
ബീവിയോടു പറഞ്ഞു ..എനിക്ക് കടുപ്പത്തില്‍ ഒരു ചായ കൂടി
വേണം ...
പുക വലിച്ചു
ശീലം ഇല്ലാത്തതിനാല്‍ കട്ടന്‍ ചായ യില്‍ നിന്നാണ് നമുക്ക് വേണ്ട
സരിതോര്‍ജ്ജം കിട്ടുന്നത് ..
അല്ലെങ്കില്‍ പിന്നെ വല്യ വല്യ സാഹിത്യകാരന്മാരോക്കെ
അവരുടെ ചിന്തകളെയും
ഭാവനാ ലോകത്തെയും വികസിപ്പിക്കുന്നതിനായി ഉപയോഗിക്കുന്ന
മരുന്ന് ..വേണം ...
അത് ഞമ്മള്‍ക്ക് ഹറാമുമാണ് ...പിന്നെ ആകെ ഉള്ളത്
ഈ സുലൈമാനി (കട്ടന്‍ ചായ ) തന്നെ
ഏതായാലും ...ഞാന്‍ പറഞ്ഞു വന്ന തു മുഴുവനാക്കാം
ഇന്നൊരു പുസ്തകം വായിക്കണം ..അതിനു പറ്റിയ ഒരെണ്ണം
അലമാരയിലെ പഴയ പുസ്തക കൂട്ടങ്ങളില്‍ തപ്പി നോക്കുമ്പോഴാണ് ..
അവള്‍ സുലൈമാനിയുമായി കടന്നു വന്നത് ..
ഇത്ര പെട്ടെന്നൊ ..എന്ന ഭാവത്തില്‍ ഞാനവളെ നോക്കുമ്പോള്‍
താഴേക്കു വലിച്ചിട്ട പുസ്തകങ്ങളിലേക്ക് ആയിരുന്നു അവളുടെ
കണ്ണ് .....
ങേ ..ഇവളും ഇന്ന് വായന ദിനം കൊണ്ടാടിയാല്‍
ഉച്ചക്ക് പട്ടിണി ആകുമല്ലോ ...വായന നമ്മള്‍ ആണുങ്ങള്‍ക്ക്
മാത്രമുള്ള പണിയാണല്ലോ ...അല്ലെ ..?
ഞാന്‍ ഓളോട് പറഞ്ഞു ....ആ പുസ്തകങ്ങള്‍ ഓരോന്നായി ഇങ്ങേടുത്തെ
അലമാരയിലേക്ക് തന്നെ വെക്കട്ടെ ..
അവള്‍ ഒരേ വലിപ്പമുള്ള മൂന്നാല് പുസ്തകങ്ങള്‍ കൂട്ടി പിടിച്ചു എന്റെ
കയ്യിലേക്ക് തന്നു ...ഞാന്‍ അത് അലമാരയുടെ മൂലയിലേക്ക് വെക്കാന്‍
ഒരുങ്ങുമ്പോള്‍ ...നിക്ക് ..നിക്ക് ..വെക്കല്ലേ എന്ന് പറഞ്ഞു
അകത്തേക്ക് പോയി..പിന്നെ തിരിച്ചു വരുന്നത്
ഒരു ബക്കറ്റില്‍ വെള്ളവും ..ഒരു തുണിയും ആയിട്ടായിരുന്നു ..
പുസ്തകം വെക്കുന്നതിനു മുന്നേ അലമാര ഒന്ന് തുടക്കാന്‍ എന്നോടു ..
അവള്‍ നനച്ചു പിഴിഞ്ഞ് തന്ന തുണി കൊണ്ട് അലമാര ഉള്ളും പുറവും
നന്നായി തുടച്ചു ..പുസ്തകമൊക്കെ തിരിച്ചു വെക്കാന്‍ അവളും കൂടി ..
അത് കഴിഞ്ഞപ്പോ ..അവള്‍ പറയാ ..അടുക്കളയിലെ ആ സ്റ്റോര്‍ റൂം കൂടി
നമുക്ക് ഒന്ന് ഒതുക്കി വെക്കാ ..
ഒരു സ്റ്റോര്‍ റൂം അല്ലെ ..പറഞ്ഞത് ചെയ്തു കൊടുത്തില്ല എങ്കില്‍ ..
പിന്നെ വായനക്ക് ഒരു സുഖം കിട്ടില്ല ..
ഞാന്‍ സമ്മതിച്ചു ...നേരത്തെ കൊണ്ട് വന്ന കട്ടന്‍ചായ
ഒറ്റ വലിക്ക് കുടിച്ചു തീര്‍ത്തു..അതെപ്പോഴോ തണുത്തു പോയിരുന്നു ..
പിന്നെ ..അടുക്കളയിലേക്ക് ..അവളുടെ പിറകെ.
സ്റ്റോര്‍ റൂമില്‍ നിന്ന് ഓരോന്നായി പുറത്തേക്ക് വെച്ച് ..
പിന്നെ ക്ലീനിങ്ങും കഴിഞ്ഞു ഓരോന്നായി
തിരിച്ചു വെച്ച് കഴിഞ്ഞപ്പോ ..
അവള്‍ കടുപ്പത്തില്‍ ഒരു കട്ടന്‍ ചായ കൂടി
തന്നു പറയുകയാ ..ഇനി നമുക്കാ വിറകു പുര കൂടി നന്നാക്കാം ..
എന്താ ചെയ്യുക ..ആ പണി തുടങ്ങിയിട്ട് ഇന്നലെ തീര്‍ന്നിട്ടില്ല
ഇതെഴുതി പോസ്റ്റി യിട്ട് വേണം ബാക്കി തീര്‍ക്കാന്‍....
എങ്ങിനെയാണ് വായന മരിക്കുന്നത് ....ഇപ്പോ
മനസ്സിലായില്ലേ ....?
വായന മരിക്കുന്നതില്‍ സ്ത്രീകള്‍ക്കുള്ള പങ്കു വളരെ വലുതാണ്‌
എന്ന് നാം ആണുങ്ങള്‍ തിരിച്ചറിഞ്ഞേ പറ്റൂ ..!!
