മൌന ജാഥ ( മിനി കഥ )

റേഷന്‍ കടയില്‍ ഇന്ന് കൂടി പഞ്ചസാര കൊടുക്കുന്നുണ്ട്
ഓടി കിതച്ചു ..
അവിടെ ചെന്നപ്പോള്‍ ഒടുക്കത്തെ ക്യൂ ..
ആണും പെണ്ണും ഇട കലര്‍ന്ന വരി ...
വരിക്കൊടുവില്‍
സാരിയുടുത്തൊരു വള്‍ മുടിയില്‍ തെച്ചി പ്പൂ ചൂടി ..
എന്തായലും കാര്‍ഡും എടുത്തു ഇറങ്ങിയില്ലേ ..
അവളുടെ പിറകില്‍ ചെന്ന് നിന്ന്...
വരി മെല്ലെ മെല്ലെ മുന്നോട്ടു പോയി...
ഒന്നും മിണ്ടാതെ മൌന ജാഥ പോലെ ..
വായാടിക്കു
മൌനം അസഹ്യമായിരുന്നു ..
മുന്നില്‍ നില്‍ക്കുന്നവളോട്
എന്തെങ്കിലും പറയുക തന്നെ ..
ചുണ്ടുകള്‍ അവളുടെ കാതോട് ചേര്‍ത്ത്
മെല്ലെ ചോദിച്ചു ..
"ഹാ ...നല്ല മണം..
ഇന്നേതു സോപ്പ് തേച്ചാ കുളിച്ചതു ..?"
അവളാനില്പില്‍ നിന്ന് , തലയൊന്നു തിരിച്ചു ...
ആഞ്ഞൊന്നു നോക്കി ..
എന്നിട്ട് പറഞ്ഞു
" കുളിക്ക്യെ ...മൂന്നീസായി ..തലയൊന്നു നനച്ചിട്ട് ..
മാസം രണ്ടായി ,
രണ്ടു മൈല് നടന്നു പോയാ കിട്ടുമൊരു കുടം വെള്ളം ...
അതോണ്ട്പ്പോ എന്താ ചെയ്യ മാപ്ലേ ..."
...പിന്നെ പറയാന്‍ ഒന്നും ഉണ്ടായിരുന്നില്ല ..
മൌന ജാഥ തുടര്‍ന്നു !!